Krakkarnir í hverfinu er leikþáttur þar sem brúður eru notaðar til að fræða börnin um ofbeldi og mikilvægi þess að börn segi frá. Brúðurnar ræða saman um það sem þær hafa lent í. Jóhanna segir frá því hvernig kærasti mömmu hennar snerti hana á óviðeigandi hátt og hvaða hjálp hún fékk eftir að hún sagði frá. Stefán segir vini sínum frá því hvernig mamma Stefáns beitti hann ofbeldi og hvernig þau fengu bæði hjálp eftir að hann sagði kennaranum sínum frá.

​

Af hverju Krakkarnir í hverfinu? Með því að nota brúður til að tala við og svara spurningum um þennan viðkvæma málaflokk er oft hægt að ná betur til barna. Námsráðgjafi, hjúkrunarfræðingur eða sálfræðingur eru viðstaddir hverja sýningu ásamt kennurum og tengilið farsældar.

Brúðustjórnendur eru  Helga Arnalds, Sólveig Guðmundsdóttir og Alexia Björg Jóhannesdóttir

Um skipulag og bókanir sér Sara Arnalds krakkarnirihverfinu@gmail.com

​

Sýningin stendur öllum börnum í 2. bekk grunnskóla til boða endurgjaldslaust og er kostuð af Mennta- og Barnamálaráðuneyti en  Barna- og fjölskyldustofu heldur utan um verkefnið.